A live feed of WhatsApp statuses from Jewish news, business, and community creators, newest first.
שיכון סקווירא - מעלדונג דורך די הנהלת הקהילה צו מקבל פנים זיין האדמו"ר ממאכניווקא בעלזא וועלכע וועט וויילן אויף שבת אין שטעטל בצלו פון האדמו"ר מסקווירא.
בארא פארק - נאכפאלנדיג די פסק פון די דין תורה אין די סטיטשינער הויף, פיגורירט דעם נייעם נאמען פון קהל ראפשיץ-סטיטשין אויף שמחות מעלדונגען דעם שבת אינערהאלב די קהילה.
קראון הייטס - סעודת הודאה פאר הבחור שניאור זלמן ניימאן וועלכער איז קריטיש פארוואונדעט געווארן פארלאפענע סוכות ביים שמחת בית השואבה, נאכן זיך בחסדי שמים פולקאם ערהוילן.
פראג - א זעלטענע האנטגעשריבענע 700 יעריגער מחזור איז צום ערשטן מאל געווארן ארויסגעשטעלט אלס טייל פון אן אויסשטעלונג צו אפצייכענען 120 יאר פונעם אידישן מוזעאום אין פראג.
חברון - די קינדער פון האדמו"ר מוויזניץ לרפו"ש, ביי א מעמד תפילה לרפואתו פונעם רבי'ן היינט ליל שישי ביים מערת המכפלה, מיט די באטייליגונג פון טויזנטער תלמידי הישיבות.
ירושלים - העסקן ר׳ עקיבא טויבער וועלכער פירט אן מיט די ראיעקט אויפצובויען דעם נייע ׳קרית בעלזא׳ אין אפסטעיט ניו יארק, בקודש פנימה ביי האדמו"ר מבעלזא צו צייגן די פלענער פונעם נייע שטעטל, וואס וועט זיין גרייט אין די קומענדיגע 2-3 יאר.
בארא פארק - אין ליכט פון די שווערע פארפלייצונגן אין ניו יארק ווערן חברים וואלונטירן געזען ארומגיין אויפשטאפן דרעינס צו עפענען די פארקער ביי פארפלייצטע גאסן.
אילינוי - די שטאטראט אין עווענסטאן האט געמאלדן אז זיי וועלן באעהרן דעם לאנגיעריגער חב"ד שליח ר׳ דוב הלל קליין דורך שענקן א נאמען פאר די גאס פארנט פון זיין צענטער, אויף זיין נאמען.
מאנטריאל - מעמד קבלת פנים דורך רבני העיר פאר האדמו"ר מסאדיגורה וועלכע איז אנגעקומען אויף א באזוך אין שטאט.
פוילן - צענדליגער פארלאמענט מיטגלידער פון איבער אייראפע האבן צום 88׳סטע יארטאג פון קריסטאלנאכט באזוכט אין אוישוויץ, אנגעפירט דורך די אייראפעישע אידישע אסאציאציע, צווישן זיי דער איראנער קרוין פרינץ רעזא פאהלאווי.
רוסלאנד - דער שטאטראט פון די שטאט אופא, די הויפטשטאט פון דער מוסולמענער רעפובליק באשקארטאסטאן, האט געשאנקן דער העכסטע באעהרונג אויסצייכענונג פארן ארטיגן רב הרב דן הלוי קריטשעווסקי.
שיקאגא - וואלונטירן פון די מגן-שומרים ארגאניזאציע אין שטאט האבן אפגעהאלטן טרענירונגען צו זיין גרייט אין פאל פון א מאסן שיסעריי ה"י.
קרית צאנז - האדמו"ר מצאנז ביים טאנצן מיט די קינדער הגאוה"צ שליט"א ביים שמחת החתונה פון אן אייניקל נעכטן נאכט.
מאסקווע - דער אידישער טשאפלעין צו מאסקווער טורמעס ר׳ שלמה דישקא ביי א זיצונג מיט רעליגיעזע פירער, צו דיסקוסירן רעליגיעזע פרייהייט און סערוויסעס אין טורמע פאר ארטיגע אידישע ארעסטאנטן.
בארא פארק - די בי"ד המיוחד וואס איז געשטעלט געווארן אויפן דין תורה צווישן ק"ק סטיטשין און ק"ק תולדות יהודה, געפירט דורך הגה"צ רבי שמעון יצחק שלעזינגער שליט"א חבר הבד"ץ עדה החרדית און הרב זלמן גראוס מיט הרב חיים אהרן מונדרער, האבן נארוואס ארויסגעגעבן דער פסק וואס לויטעט אז ק"ק סטיטשין וועט בלייבן מיטן נאמען און ק"ק תולדות יהודה וועט טוישן דעם נאמען צו ק"ק ראפשיץ-סטיטשין.
You're all caught up.
